QINNUTEQARNEQ

Meeqqat atuarfianni 10. Klasse naammassisimagaanni 14-ileereersimagaanni 18-iliisimananili qinnuteqartoqarsinnaavoq

Qinnuteqarnermi piumasaqaatit

Maniitsumi Efterskolimi aallartikkaanni 18-iliisimassanngilaq efterskolernermili 18-iliisoqarsinnaavoq.Immikkut ima pisariaqartitsisoqartigippat (immikkut atuartitaasoqassappat imlt. soorlu tapersersorteqartariaqarluni) ajoraluartumik Maniitsumi Efterskolimi tamanna naammassineqarsinnaanngimmat itigartitaanissaq naatsersutigisariaqassaaq.

Ukiumut atuarfiusumut 2024 - 2025-mut qinnueqarfissaq  uani aaneqarsinnaavoq. Qinnuteqarfissaq - suli inissaqalaarpoq, ingammik nukappissat. Info@em.gl atorlugu saaffiginittoqarsinnaavoq.

 

• Uffarnermut atortut, allarutillu.
• Qipik, akiseq oqorutit puuilu.
• Atisat ulluinnarsiutit.
• Atisat oqortut
• Isersimmatit
• Arpaatit, atisat timersuutit, sialussiutit
• Illup iluani timersornermi ateraasat
• Faginut tamanut ordbogit imaluunniit computer
• Lommeregner
• Aqerluusat, titartaat, passer vinkelmåler-ilu
• Sinngup puua, allequtaq, nammattagaq
• Peqaruit bæbar computer nassariuk
• Imerfik
• Qarasaasiaq angallattagaq /Ipad/Tablet (nutaanerusoq) nassarneqarsinnaasoq kaammattuutigaarput.

Kajumissaarpatsigillu paasissutissat allat sukumiisumik atuaqqullugit.

Angajoqqaat isertitaat naapertorlugit Efterskolimi atuartoq akiliunneqartarpoq

Qinnuteqartoq atualernissaminut akuerineqarpat nalunaarsuinermut aningaasartuut 500,00 kr.(Nalunaarnermut akiliut utertinneqarsinnaanngilaq) saniatigullu iserternermut qularnaveeqqut 2.000,00 kr. juni naatinnagu akilerneqareersimassapput.Taamaattorli akiligassaq marlunngorlugu avinneqarsinnaavoq.Assersuutigalugu majip naanerani 1.000,00 kr. akileriarlugu, junip naanerani sinneruttoq akilerlugu.
 
Akiliutit Maniitsumi Efterskolip bankkonto-anut 6471-1099687 –nut atualertussap aqqa inuuialu nalunaaqutsiullugit akilerneqassapput.

Atualertussaq nukarliusumik qatannguteqarpat ukiumut aningaasarsiat naatsorsorneri meeqqamut ataatsimut 30.000,00 kr.-nik annikillineqassapput. 

Qatanngutigiillu arlariit efterskoleqatigiippata aappaa (18-liisimanngippat) tamakkiisumik tapiiffigineqartussaavoq.
 
Angajoqqaat ukiumut isertitaat najoqqutaralugit Efterskolimut sapaatip akunneranut akiliutigineqartussaq imatut annertutigissaaq, akiligassarli nassiunneqartartoq qaammatikkaarlugit nassiunneqartarpoq.  Ukiumut isertitat akiliutissarlu:

	Ukiumut isertitat	Sapaatip akunneranut akiliut	Sapaatip akunneranut tapiissut
GRP. 1	0-340.000 kr.	0 kr.	731 kr.
GRP. 1	340.001-400.000 kr.	350 kr.	381 kr.
GRP. 1	400.001-500.000 kr.	450 kr.	281 kr.
GRP. 1	500.001- opad	731 kr.	0 kr.