Maniitsumi Efterskoli atuartunik 60-nik inissaateqarpoq. Atuartut najugaqarfiat Kollegia arfinilinnik quleriilik atuarfiup saninnguaniippoq. Kollegia 30-nik initaqarpoq, atuartullu marlukkaarlutik ineqatigiittarput. Quleriit tamarmik marlunnik uffarfeqarlutillu perusuersartarfeqarput.

Atuarfimmi klasselokalit pingasuusut saniatigut aamma mikisumik immikkut sammisaqartarfiusartunik klasselokaleqarpoq. Atuarfiup naqqani nerisarfeqarpoq isersimaartarfeqarlunilu.

Maniitsumi Efterskoli imminut pigisutut Namminersorlutik Oqartussat ataani inissisimavoq. Ulluinnarni siulersuisoqarluni ingerlasoq.Efterskoli 2010-mi Maniitsumi Qeqqata Kommuniani pilersinneqassalluni aalajangiunneqarpoq. 2011-millu atulersinneqarluni.

Siulersuisut malittarisassaat atuuttut uani takuneqarsinnaapput. 

Pingaartitatigut tunngavit

Maniitsup Efterskoliani pingaartitatigut tunngavigisaq nammineq toqqagaq aallaavigalugu siunertaavoq inuusuttut ineriartortissallugit, atuartut suliatigut inuttullu inuunerminni pingaarutilinnik naleqquttunillu toqqaasinnaanngortillugit.
Efterskolimi pisussaaffigalugu ataatsimuussuseq atuarfiup ilusaani qitiuvoq atuarfimmilu tunngaviusumik isuma tassaavoq kikkulluunniit imminnut ataatsimooqatiminnullu akisussaaffeqarnerat.

Taamaattumik Maniitsumi Efterskolimi ilinniartut innuttaaqataalluartunngornissaannik ilinniartinniarpagut, tamat oqartussaaqataanerannik (demokrati) ilumoorussisut inuiaqatigiit kalaallit nunarsuarmioqatittalu akornanni paasinnissinnaallutillu iliuuseqarsinnaasut.
Ilinniartunik aqqutissiuussineq pingaartinneqassaaq pineqartullu efterskolernermik kingorna ilinnialernissaat sammineqassalluni.

Ilaqutarsiaaneq / angajoqqaasiaaneq  /Weekendertarfiuneq

Maniitsumi Efterskolimi atuartumitk, Maniitsup avataaneersumut ilaqutarsiaasinnaavutit. Ilaqutarsiaaneq kalaaliaqqamik allamiumik ilisarisimasaqalernissamut periarfissatsialaavoq. Atuartut weekendertarsinnaapput. Imaluunniit nammineq aaqqissorsinnaavarsi qanoq ilinikkut sulerisinnaanissarsi.

Weekend-erneq tallimanngornermi ualikkumiit sapaammi unnuup tungaanut atuuttarpoq. Tamatuma saniatigut siumut isumaqatigiissusiortoqarsinnaavoq.

Quppersagaq uani aasinnaavat.

Nerisat tungaatigut pingaartitat

Maniitsumi Efterskolimi peqqinnartunik inuussutissaqarluartunillu nerisaqarneq eqqumaffigaarput.Atuarfiup immikkut pingaartitaraa kalaalimerngit nerisaqarnikkut atuarfitta ilisarnaataata ilagissagaa.
Efterskolip aalisakkanik nerisassanillu allanik periarfissaqartillugu kalaalimineerniarfimmi pisisarnissani pingaartippaa, aammattaaq periarfissaqartillugu atuartut ilinniartitsisortik ilagalugu piniarlutillu aalisartarsinnaasut siunertatta ilagaa.
 
Suut nerinerlugit ilisimanissaa pingaaruteqarpoq, soorlu aamma nerisat suminngaaneernersut ilisimanissaat pingaaruteqartoq, siunertaraarpullu una atussallugu ”Immamiik igamut” 
Efterskolip igaffimmiui allanngorartunik pitsaasunillu iganissamut ilinniarnikuupput, ulluinnarnilu atuartuutitta iggavimmi ikiuuttarnermikkut iganeq misilittagaqarfigilissavaat. Imaasinnaavormi siunissami nerisassiorneq soqutigilingaaramikku igasunngorniartoqartoq.

Attaveqaat kontraktgruppillu

Efterskolimi gruppiliortarpugut, ullaallu tamaasa naapittarput. Kontaktgruppe atuartut 8 -9 missaaniipput ilinniartitsisorlu ataaseq.
Ilinniartitsisut taakku atuarnippit ajunnginneranik qulakkeerinninniaqataasussaapput, allatulluunniit atuarfimmi soorlu aaqqissuussinernik assigiinngitsunik isummersoqatigineqarsinnaasut. Ilinniartitsisut aamma taakkuussapput ilaquttassinnut attaveqaataasussat.

Eqqiaaneq

Maniitsumi Efterskoli eqqiaaneq nammineq isumagisarparput. Atuarfiup eqqiluitsuunissaa pingaartitaraarput, atuarfimmi inuit amerlasuujulluta atuisuusaratta. Atuarfimmi kontaktgruppikkaarluta eqqiaasarpugut, atuarfimmi init agguataarlugit. Aammalu naatsersuutigaarput ineeqqat torersuusarnissaa. Sapaatip akunneranut marloriarluta Kollegiami eqqiaasarpugut. Quleriiaani ineqarfeqartut namminneq ineqarfitsik eqqiartarpaat.

ULLUP INGERLANERA

07.00  Morgenmad og oprydning på værelser
08.00  Kontaktgruppe
08:45  Morgensamling
09.10  Undervisning
09:55  Formiddagspause
10.25  Undervisning
12.00  Middag
13.00  Undervisning
14.30  Pause
15.00  Undervisning
17.30  Aftensmad
20.30  Aftenkaffe og te
22.00  På værelse.
22.30  Lærerne siger godnat

Sunngiffik

Maniitsumi Efterskolimi ullup ilarujussua, ullaakkumiik ualeq ilanngullu atuartartussaavutit.

Unnukkulli, weekend-inilu nammineq suniarnerlutit aalajangertartussaavat. Ilaat timersoqatigiinnut ilaasortanngortarput, soorlu håndbold-erlutik, arsarlutik volleyball-erlutilluunniit. Allat timigissartarfinnukartarput, nipilersortartut peqatigiiffiannulluunniit ilaasortanngorlutik.Ilaannikkut filmeqatigiittarpugut, immaqaluunniit klubbiliarlutit inuusuttoqatitit naapikkusussavatit. Ilaasa ilaqutarsiatik pulaartarpaat, immaqaluunniit ininneerujoorlutit sammisaqaruusaarsinnaavutit.

Aammali periarfissaavoq nammineerlutit sammisaqartitserusukkuit sammisaqartitsinissat. Tassa nammineq piumassuseqaruit periarfissat amerlaqaat.

Efterskolimi maleruagassat

Efterskolimi maleruagassaqarpianngilagut, kisianni maleruagassatta maleruarnissai pingaartorujussuuvoq.

Maleruagassammi unioqqutissagaluarukkit ilinnut kingunipiloqarsinnaavoq, allaat atuarnippit maanaannaq kipitittariaqalerneranik angerlartitaanermillu kinguneqarsinnaalluni. ME-mi amerlasaratta kikkut tamarmik, atuartuugunik sulisuugunik angajoqqaajugunik ilaqutarsiaagunilluunniit, toqqissisimanissaat pingaaruteqartorujussuuvoq.Taamaammat maleruagassaqarpugut.

Maleruagassat eqqaamaniagassat amerlanngillat ukuusut:

• 22.00 –miit 07.00 –p tungaanut ininniissaatit.
• Ikinngutaalluassaatit, illit pineqarusunnittut allat pissavatit.
• Pinngitsoornak atuarnermut, eqqiaanermut igaffimmilu ikiuunnermut pisussaatitaavutit.
• Sukkulluunniit imigassamik ikiaroornartumillu peqarnallu atuissanngilatit.
  
  

Iggavimmi ikiuunneq

Efterskolimi igaffimmi ikiuunneq ilinniartitsinertut isigaarput. Taamaammat ikinngutippit ilaat ilagalugu sapaatip akunnera igaffimmi ikiuuttartussaavusi.
 
Sapaatip akunnera taanna atuarnermi nalinginnaasumi peqataanngikkallassaatit. Igaffimmi ikiuunninni nerisassiorneq ilinniassavat, sulisunillu suleqateqarneq akisussaaffeqarnerlu ilinniassarlugu.

Atuarfiup paasissutissaatai:

Maniitsumi Efterskoli atuariartunnginnermi paasissutissanik quppersagaaraateqarpoq.

Quppersagaagaq (2022-2023) ataani aasinnaavatit.

Paasissutissat 2022   2023 uani aasinnaavatit